Pas një “rezistence heroike” ndaj SPAK-ut, më në fund Berisha është dorëzuar. Me gjuhën e popullit, ai ka shkuar “si Çeçua” në dyert e institucionit akuzues që ai e ironizon duke e quajtur “skap”, për t’ju përgjigjur hetuesve.
Në kushtet e arrestit të shtëpisë, ai la banesën që i është kthyer në “qeli”, në rrugicën “Mustafa Matohiti” dhe nën shoqërimin e zyrtarëve policorë u paraqit në SPAK.
Aty u shfaq i qeshur, duke përshëndetuar në stilin e tij ithtarët që ishin mbledhur rreth idhullit të tyre politik.
Berisha është nën akuzë, a më saktë nën hetime, mbi aferën e njohur si “Partizani”, prej së cilës ka përfituar dhëndërri i tij, gjithashtu në arrest shtëpie, Jamambër Malltezi.
Ai kurrë më parë nuk ka pranuar që të shkojë te organet e drejtësisë, duke i sfiduar ato në kushte pushteti apo opozita. Ndaj për të, e sotmja ishte “hera e parë” e diçka që ai kurrë nuk ka pranuar t’i nënshtrohet.
Sfidues i drejtësisë, ai as që krenohet ndonjëherë se nën qeverisjen e tij Drejtësia ka qenë vërtet e drejtë, ashtu siç akuzohet në terma politikë se ka qenë gjithëherë një minues i drejtësisë si princip shtetëror, politik apo shoqëror. /tesheshi.com/
