Ish-kryeministri Sali Berisha i ka dalë në krah kreut të PBDNJ-së, Vangjel Dule, në debatin që ky i fundit ka pasur gjatë seancës parlamentare me ministrin e Jashtëm, Ditmir Bushati, në lidhje me pr/ligjin për pakicat kombëtare. Debati lindi pasi Dule kërkoiqë ai mos përfshihej në rendin e ditës, por me shumicë votash, Kuvendi la në fuqi miratimin e tij në seancën e sotme.
“Ti nuk bën gjë tjetër veçse krijon mollën e sherrit në një ministri që është disaster, dështim i plotë dhe total në këto katër vitet e fundit dhe që tani i duhet një ligj për të thënë se unë kalova ligjin.
Këto janë pazaret e brendshme të një klike mafioze, por që shkelin rëndë parimet më themelore të Kushtetutës së vendit”, tha ai.
Në replikën e tij, Bushati tha se “është mirë që në këtë çështje të lëmë spekulimet dhe konsideratat politike, pasi nëse do të bëhet fjalë për një impostim ndërkombëtar kjo ka ardhur në momentin që Shqipëria aderon në konventë”. /tesheshi.com/
