Tension i lartë në sallën e Kuvendit. Ndërpritet seanca pas një debati të rëndë mes ministrit të Shëndetësisë, Ilir Beqajt, dhe deputetes së PD-së Albina Dede.
Një fjalë “kafshë” e dalë nga goja e ministrit i bëri deputetët e opozitës që t’i kërkojnë atij të shprehë ndjesë për atë çka tha. Situata precipitoi, si rëndom të enjteve, e më pas u mblodh Konferenca e Kryetarëve. Ilir Beqaj doli pas kësaj në podium dhe tha: “Kërkoj ndjesë publike, por është tensioni i lartë, dhe ne njerëz të gjallë jemi.”
Ngjarja do të niste me një frazë të thënë prej ministrit nga vendi e që do të bëhej shkak për ndërprerjen e seancës. Në këtë moment është mbledhur Konferenca e Kryetarëve për të gjykuar situatën.
Dede pretendon se Beqaj e ka fyer jashtë mikrofonit me fjalën “kafshë”, dhe ka këmbëngulur që ai t’i kërkojë falje.
Deputetët demokratë kanë mbështetur kolegen e tyre, duke kërkuar marrjen e masave ndëshkimore ndaj ministrit.
Dede e ka akuzuar Beqajn si “ministrin e hajdutërisë, që duhet të japë dorëheqjen”. /tesheshi.com/
