Serbia tregon “dhëmbët” militarë në kulmin e një situate të nderë në rajon, pikërisht kur pret të blejë nga Rusia një arsenal të frikshëm armatimesh të rënda.
Në ditën e fitores mbi fashizmin, Beogradi ka nxjerrë para kamerave të botës të gjithë arsenalin luftarak duke kopjuar Vladimir Putninin.
“Kemi ruajtur traditën shkencore dhe kemi shtuar njohuri të reja. Me këtë i kthejmë mbrapsht të gjithë ata, që mendojnë ta cenojnë në çfarëdolloj forme shtetin tonë”, tha Tomislav Nikoliç, President në detyrë i Serbisë.
Analistët thonë se ekziston demonstrimi i forcës në rajon, por prodhimet e industrisë së armatimit kanë qenë traditë në këtë shtet. Por tanimë qëllimi është arritja e tregjeve të reja, e jo një luftë e re.
“Këtu kanë ardhur edhe njerëz nga Afrika dhe Azia, të cilët e shikojnë këtë armatim. Serbia ka interes që këto prodhime të gjejnë blerës dhe kontratat janë shumë më të rëndësishme sesa përdorimi i tyre si fuqi rajonale”, tha Aleksandar Radiç, analist ushtarak.
Serbia ka trashëguar një pjesë të fabrikave për prodhimin e armatimit nga ish-Jugosllavia, që në kohën e komunizmit ishte një fuqi.
“Serbia është një shtet neutral ushtarakisht në rajon dhe pretendon të mbrohet vet, edhe pse gjithmonë përmendet tema e mundësisë së inkuadrimit në NATO. Zyrtarët serbë kanë deklaruar se do të jenë faktorë të paqes dhe stabilitetit në rajon, edhe pse prodhojnë armë të reja”.
Por këto qëndrime bien ndesh me një frymë që ka shpërthyer në Ballkan. Kroacia ka blerë armë strategjike siç janë sistemet mbrojtëse raketore, ndërsa Beogradi ka marrë nga Rusia një listë të frikshëm që nga raketat strategjike, avionët bombarues Mig 29 por edhe armë të rënda si tanke e blinda./tesheshi.com/
