Beogradi po e kthen në politike çështjen e arrestimit të Bogdan Mitroviç nga ana e policisë së Kosovës, i cili akuzohet se ka kryer krime lufte kur ka qenë pjesëtar i organeve të sigurisë serbe.
Drejtori i Zyrës për Kosovën në qeverinë e Beogradit Marko Gjuriç, ka organizuar një spektakël melodramatik në “Pallatin Srbija”, ku ka thirrur familjen e Mitroviçit dhe ka delaruar se autoritetet kosovare po shkelin të drejtat njerëzore të një 74 vjeçari, pasi ndër të tjera nuk po lejojnë avokatin e familjes që të vizitojë të burgosurin.
Ndërkojë, djali i Mitroviçit, Nebojsha deklaroi se “80% e miqve të babait tim janë shqiptarë dhe ai shkon në Kosovë mbi tre herë në vit, ku dhe viziton varrin e babait të tij. Nuk e di pse ndodhi kjo tani”.
Bogdan Mitroviç është arrestuar në autobusin e linjës Suha Rekë-Podujevë pas vendimit të Gjykatës Themelore të
Prishtinës, ku e akuzon për krime lufte që ai i ka kryer sipas gjykatës, gjatë kohës kur ishte zyrtar i organeve të sigurisë në Prizren, natyrisht kur Serbia mbante të pushtuar Kosovën./tesheshi.com/
