Pas vizitës së Presidentit serb Tomislav Nikoliç në Moskë dhe në prag të vizitës së kryeministrit rus, Dimitri Medvedev në Beograd, Rusia dhe Serbia nënshkruajnë një marrëveshje për furnizimin me gaz.
Ndërkohë që Vuçiç një vit më parë tha në një vizitë në SHBA se nuk do të hyjë në rrjetin energjitik rus, kompania Gazprom dhe ajo Srbijaga, që janë dy ente shtetërore, firmosën një marrëveshje të re.
Siç bën të ditur televizioni serb B92, drejtori ekzekutiv i Srbijagas, Dushan Bajatoviq dhe anëtari i Komtetit Menaxhues të Gazprom, Oleg Aksyutin firmosën një marrëveshje “për bashkëpunimin teknik dhe shkencor”.
Kjo marrëveshje bën fjalë për gjetjen e mundësive teknike që të furnizojnë Serbinë e veriut me gazin e Banatski Dvor që është një zonë gazmbajtëse në Serbine verilindore që ndodhet në kufi me Hungarinë.
Tre variantet e shpërndarjes janë diskutuar nga ekspertët serbo-rusë.
Siç bën të ditur kompania, pas ndërtimit të stabilimentit të ri të Banatski Dvor, Serbia shpreson që të prodhojë një miliard metër kub gaz metan, ndërkohë kur aktualisht ai prodhon 450 million metër kub.
Kreu i Srbijagas, Bajatoviq, tha se “investimi do të kapë shifrën e 70 milionë eurove dhe pritet që ky investim të miratohet nga aksionerët”.
Në fakt, ky është një absurd pasi 80 përqind të aksioneve i zotëron qeveria serbe, vetëm se janë ndarë në disa dikastere. Sipas të gjitha gjasave, e gjithë kjo sasi e gazit që do të nxirret nga ky vendburim pritet të lidhet me linjën që Gazpromi furnizon Hungarinë e më pas Europën.
Por problem aktualisht është se Bashkimi Europian i ka vendosur sanksione Rusisë pas pushtimit të Krimesë dhe nuk lejon furnizimin me gaz të asnjë vendi europian. Por Beogradi vepron jo vetëm ketë herë me kokën e vet dhe Brukseli i përkëdhel…
Përgatiti Ylli Pata – /tesheshi.com/
