Rikthehet përplasja mes Beogradit dhe Prishtinën pas një situate paqeje. Ministri i Punës dhe Çështjeve Sociale të Serbisë, Aleksandër Vulin e ka cilësuar një akt “jo miqësor” kërkesën e Shqipërisë për të pranuar Kosovën si anëtare e UNESCO-s.
Përplasja Tiranë-Beograd ndodh para ndeshjes me Serbinë që do të zhvillohet në Elbasan, kur pritet që të vijë edhe Kryeministri serb, Aleksandër Vuçiç.
Siç njofton Tanjugu, Vulin tha sot për gazetarët se “Më vjen keq që Shqipëria ka ndërmarrë atë hap dhe kjo nuk është diçka që ndihmon marrëdhënit e mira fqinjësore, ajo nuk e kthen besimin në rajon dhe tregon se disa vende nuk e kanë vëmendjen tek marrëdhëniet e mira mes vendeve.
“Është e qartë se e drejta është në anën tonë, se Kosova nuk mund të jetë anëtar i UNESCO-s, për shkak se ajo nuk është anëtare e OKB-së”, tha Vulin.
“Monumentet më të rëndësishme kulturore në Kosovë dhe Metohi, janë pjesë e tradhëgimisë serbe dhe si të tillë duhet të mbeten”, tha Vulin, i cili shtoi se Beogradi synon përmirësimin e marrëdhënieve me fqinjët.
“Çdo gjë në histori shkon siç ka ndodhur dhe nuk mund të manipulohet, por Shqipëria nuk duhet ta kishte bërë atë lëvizje.
Shqipëria paraqiti një kërkesë zyrtare në Këshillin Ekzekutiv të UNESCO-s, për sesionin në tetorit, për ta vënë në rendin e ditës aplikimin e Kosovës për anëtarësim në organizatë.
Përveç Shqipërisë, kërkesa është mbështetur, nga 44 shtetet anëtare të UNESCO-s, ndër to disa fuqi të mëdha si SHBA, Gjermania, Britania, Turqia, por edhe shtetet arabe të Gjirit Persik si Arabia Saudite, Kuvajti etj.
/tesheshi.com/
