Mediat serbe kanë shpërthyer pas fronzimit të Hashim Thaçit president duke aluduar se tashmë Prishtina po tregon dhëmbët dhe po shtyn zbatimin e “Zajednicës”.
Është televizioni B92, i cili ka cituar ministren për dialog të Kosovës, Edita Tahiri, që ka thënë se nuk do të ngrihet Asociacioni pa i dhënë Kosovës prefiksin e telefonisë.
Sipas Tahirit, procesi i formimit të Asocacionit të Komunave do të bëhet në bazë të vendimit të Gjykatës Kushtetuese.
“Procedurat do të mbeten pezull deri sa çështja e prefiksit telefonik nuk do të zgjidhet. Serbia në këtë rast ka shkelur marrëveshjen pasi kodi telefonik duhej të vihej në zbatim më 1 mars”, tha Tahiri.
Ministrja Kosovare ka shtuar se takimi i ardhshëm mes dy kryeministrave do të mbahet më 24 prill.
Ofensiva e Beogradit ka nisur menjëherë pas instalimit të kreut të ri të shtetit të Kosovës.
Mes dy vendeve ka shumë gjëra pezull që nuk janë sqaruar dhe thuajse asnjë çështje nuk është zbatuar. /tesheshi.com/
