Qeveria serbe i çon notë zyrtare Gjykatës së Hagës. Para procesit për Vojislav Sheshelit Beogradi po i bën presion të hapur Gjykatës Ndërkombëtare për Krimet e Luftës në Ish-Jugosllavi.
Ndërkohë që Prishtina i është përgjigjur gjithmonë dhe me korrekteë Gjykatës së Hagës, Beogradi sa herë kur ka problem nuk vonon të hidhet në sulm.
Ministri serb i Drejtësisë, Nikola Selakoviç, ka përgatitur shkresën zyrtare e cila u bë publike sot në mëngjes.
Selakoviç deklaroi se Serbia do të respektojë detyrimet e saj, por nuk e lejon askënd t’i “pastrojë shtëpinë”.
“Ju do të njiheni me përmbajtjen e detajuar të letrës. Kryeministri i Serbisë, Aleksandar Vuçiç tha dje në mënyrë të qartë dhe të saktë dhe të sigurt se do të shfaqim pakënaqësinë tonë për keqtrajtimin në burgjet e Hagës”, tha Selakoviç për televizioni publik serb.
Ai vuri në dukje se thelbi i notës është për vdekjen e së 10 personave në burgun e Hagës. Beogradi dyshon se ndaj këtyre personave është ushtruar presion.
“Rasti i Vojislav Shesheljit, flet qartë për këtë janë ndryshuar gjyqtarët në momentin e fundit dhe është ushtruar ndikim mbi dëshmitarët, nuk është një problem”, tha Selakoviç.
Selakovic ka theksuar se Serbia respekton bashkëpunimin me Tribunalin e Hagës, por do të këmbëngulin që njerëzit të trajtohen në kushte njerëzore.
Pra pak ditësh, ish-gjenerali i ushtrisë serbe të Bosnjës, Zdravko Tolimir, i cili qe dënuar vitin e kaluar me burgim të përjetshëm, ndërroi jetë në rrethana misterioze.
Në prill të vitit të kaluar, Tolimir u dënua me burgim të përjetshëm pasi u gjet fajtor në akuzat që e ngarkonin për krime ndaj myslimanëve në masakrën e Srebrenicës të vitit 1999.
Trupi Gjykues bëri të ditur në vendimin e tij se Tolimiri ishte anëtar i aksionit të përbashkët kriminal me qëllimin për të dëbuar në mënyrë të përhershme popullatën myslimane boshnjake nga enklava në Srebrenicë.
Gjatë luftës, Tolimir ka qenë ndihmës për zbulim i komandantit të ushtrisë serbe të Bosnjës, Ratko Mlladiq, i cili gjithashtu është duke u gjykuar në Hagë për krime të luftës ndaj civilëve boshnjakë. /tesheshi.com/
