Ministria e Brendshme e Serbisë ka apeluar vendimin e Interpolit i cili ka hequr nga lista e të kërkuarave të gjithë ish-komandantët e Ushtrisë Çlirimtare të Kosovës.
Siç bën të ditur gazeta e Beogradit Veçernie Novosti, policia serbe ka dërguar shkresën në Gjenevë, çka rrezikon që vendimi për fshirje të pezullohet deri sa të merret verdikti final.
Ankesa e Serbisë akuzon organizatën botërore të policisë për shkelje të rregullave kolektive, madje thekson se zyrtari që ka kryer këtë akt ka falsifikuar shkresat zyrtare.
“Ky është një precedent i keq në punën e kësaj organizate. Ne presim që Komiteti Ekzekutiv ta pranojë apelin tonë në ditët e ardhshme dhe se vendimi i marrë nga shërbimi ligjor i Interpolit duhet të anulohet urgjentisht, pasi kanë anuluar të gjitha databazën e të dhënave për të kërkuarit.
Ne e kemi rifreskuar nga e para. E kanë gati”, i tha një zyrtar i Ministrisë së Brendshme të Serbisë, Veçernie Novosti-t.
Gazeta shkruan se vendimi për heqjen e kërkimit për ish-komandantët e UÇK-së është bërë jashtë komisionit kompetent të Interpolit.
Ministri i Brendshëm i Kosovës, Flamur Sefaj se tashmë ka marrë shkresën zyrtare nga Interpol që janë hequr nga sistemi ish-komandantët e UÇK-së. /tesheshi.com/
