Një precedent i pazakontë mësohet të ketë ndodhur së fundi në marrëdhëniet ndërkombëtare, pasi Republika e Surinamit ka marrë vendim për tërheqjen e njohjes së pavarësisë së Kosovës. Të paktën kështu thuhet nga ministri i Jashtëm i Serbisë, Ivica Daçiç, i cili e ka falënderuar këtë vend afrikan, siç thotë “për vendimin jashtëzakonisht të rëndësishëm”.
“Shënimi mbi tërheqjen e vendimit dhe njohjen e pavarësisë së Kosovës mbërriti më 30 tetor. Ky vendim tregon se duhet të këmbëngulë, të bisedojmë me të gjithë nëse mendojmë se Kosova është një interes kombëtar”, ka thënë Daçiq.
Mirëpo një gjë të tillë e ka mohuar Ministria e Punëve të Jashtme që udhëhiqet nga Behgjet Pacolli, “njeriu i njohjeve”, duke thënë se kjo është një shpifje e Daçiçit.
“Tërheqja e njohjes nuk ekziston si koncept në të drejtën ndërkombëtare. Pra e gjithë kjo është shpifje”, ka thënë ai Jetlir Zyberaj, këshilltar i Pacollit për Indeksonline.
Duhet përkujtuar që shteti i Surinamit është shteti i 112 që ka njohur pavarësinë e Kosovës, gjatë vitit të kaluar. /tesheshi.com/
