Aleksandër Vuçiç do të vizitojë Mitrovicën e veriut në një tentativë për të zbutur çarjen e madhe që është hapur brenda serbëve të Kosovës, pas vrasjes së Oliver Ivanoviçit.
Deklaratat e familjarëve të politikanit serb që u ekzekutua para selisë së partisë së tij, kanë alarmuar Beogradit i cili i frikësohet një rebelimi nga serbët e Kosovës.
Ministri i Brendshëm i Serbisë, Nebojsha Stefanoviç, i cili do të lëvizë së bashku me Presidentin e Serbisë në veriun e Kosovës, deklaroi për mediat serbe se “kreu i shtetit nuk shkon vetëm për të bërë foto, por do të flasë me palët dhe qytetarët tanë qe jetojnë në Kosovë. Ai do të bisedojë dhe do të qëndrojë jo vetëm në veri të Ibrit por edhe në jug të tij”.
Lejen për vizitën e Vuçiç e ka dhënë Kryeministri i Kosovës, Ramush Haradinaj. Kalimi i Ibrit nga Vuçiç pritet të tensionojë edhe më shumë situatën.
Vizita pritet të kryhet gjatë ditës së nesërme, por orari nuk është bërë publik për arsye sigurie. /tesheshi.com/
