Qeveria serbe ka fshirë të gjithë kërkesat drejtuar INTERPOL-it për të arrestuar Hashim Thaçin aktualisht, President i Republikës së Kosovës.
Mediat serbe, i referohen organeve policore të Beogradit, që tashmë të gjitha kërkesat dhe vendimet e gjykatave të fund viteve 90 quhen të pavlefshme.
Në një koment të sajin, e përditshmja serbe Danas, thekson se është e parakohshme që Thaçi të vizitojë sot Beogradin, por pengesë ligjore nuk ka më.
Kjo u pa që në pjesëmarrjen e Thaçit në samitin e krerëve të shteteve në Sarajevë, ku deri dje ka ekzistuar një urdhër-arresti zyrtarë për kreun e shtetit të Kosovës.
Ministri i Sigurimit i Bosnjës dhe Hercegovinës, Dragan Mektiç tha se shërbimet e sigurisë dhe Interpoli kanë marr informacion se urdhër-arresti për Hashim Thaçin është anuluar.
Mektiç, u tha gazetarëve në Sarajevë se nëse urdhër-arrestet do të ishte i vlefshëm, autoritetet kompetente të Bosnje-Hercegovinës do të kishin vepruar sipas ligjeve.
/tesheshi.com/
