Beograd: nis projekti i Jared Kushner-it

Ndërtesa e bombarduar e Shtabit të Përgjithshëm po shkatërrohet për shkak të dhëndërit të Trump

Qeveria e Serbisë ia hoqi statusin e pasurisë kulturore objekteve të Shtabit të Përgjithshëm dhe Ministrisë së Mbrojtjes.

Dhe ky është një hap drejt miratimit të ndërtimit të hapësirave rezidenciale dhe komerciale dhe një hoteli, projekt i kompanisë së Jared Kushner, dhëndërit të presidentit të sapozgjedhur të SHBA-së, Donald Trump.

Mirëpo, Instituti Republikan për Mbrojtjen e Monumenteve të Kulturës, si dhe shoqatat e tjera profesionale, kërkojnë nga Qeveria revokimin e këtij vendimi.

Dhe Organizata Europe Nostra Serbia njoftoi se mbështet fuqishëm qëndrimin e shërbimit ekspert të Institutit Republikan për Mbrojtjen e Monumenteve të Kulturës në lidhje me rrënimin e objektit të Shtabit të Përgjithshëm në Beograd dhe i bëri thirrje Qeverisë së Serbisë që menjëherë të tërheqë vendimin për fshihet ky kompleks nga regjistri i pasurive kulturore të mbrojtura.

Siç është bërë e ditur tashmë, veç Sazanit e Zvërnecit, Jared Kushner planifikon të investojë dhe në zemër të Beogradit, duke marrë e shndërruar në hotel pikërisht një godinë ikonike të ish-ushtrisë jugosllave, bombarduar nga NATO në ‘99-ën, gjatë luftës së Kosovës. /tesheshi.com/