Karim Benzema i ka dhënë lamtumirën kombëtares franceze. Futbollisti më i mirë në botë në vitin 2022, në ditëlindjen e tij të 35-të, një ditë pas përfundimit të Kupës së Botës në Katar, njoftoi se kishte përfunduar së luajturi për kombëtaren.
Benzema shkroi në Twitter:
“Jam përpjekur të korrigjoj gabimet që duheshin korrigjuar për të qenë këtu ku jam sot dhe jam krenar për këtë. E kam shkruar historinë time dhe e jona përfundon këtu”, tha Benzema.
Kujtojmë se sulmuesi francez humbi Kupën e Botës për shkak të një dëmtimi kuadriceps.
Gjatë kampionatit, nga Doha erdhi lajmi se sulmuesi francez mund t’i bashkohej Tricolors nëse kualifikoheshin në finale, por kjo nuk ndodhi.
“Nuk dua t’i përgjigjem një pyetjeje kaq budallaqe”, tha trajneri i Francës, Didier Deschamps në konferencën për shtyp kur u pyet për rikthimin e Benzemasë, futbollistit më të mirë në botë në vitin 2022.
Disa media të huaja pretendojnë se Benzema në fakt është përjashtuar nga skuadra.
Konkretisht, në Real Madrid kanë zbuluar se mjekët janë marrë me Benzemën vetëm për tre ditë dhe se francezi ka shkuar me pushime menjëherë pas terapisë.
Sipas mediave, diçka ka ndodhur mes Deschamps dhe Benzemasë. /tesheshi.com/
