France Football shpalli dje listën me emrat e 30 lojtarëve që janë kandidatë për ta fituar Topin e Artë të këtij viti.
Krahas shumë emrave të përfshirë në listën e gjatë, janë të shumtë dhe lojtarët e papërfshirë në të.
E përditshmja sportive spanjolle AS rendit disa prej lojtarëve që nuk kanë gjetur vend në listën e kandidatëve për Topin e Artë.
Duke nisur me Karim Benzema-në, që cilësohet si emri më i madh i lënë jashtë listës.
Vijohet me tej me dy lojtarë të Barcelonës, Gerard Pique dhe Sergio Busquets, të lënë po ashtu jashtë liste.
Një tjetër spanjoll, David Silva, një element kyç te Mançester Siti, është një tjetër mungesë që AS e vë në pah.
Marcelo, mbrojtësi i majtë i Realit të Madridit, një prej më të mirëve në rolin e tij, nuk ka gjetur vend mes kandidatëve për Topin e Artë.
Për të vijuar me dy portierë. Jan Oblak dhe Thibaut Courtois, njëri i Atletikos së Madridit dhe tjetri i Çelsit, mungojnë gjithashtu.
Lista e të munguarve te kandidatët për Topin e Artë, gjithnjë sipas së përditshmes AS, vijon me lojtarë të tillë si Diego Costa, Eden Hazard, Alexis Sanchez dhe Edinson Cavani. /tesheshi.com/
