Real Madrid poshtëroi skuadrën e Malmoes 8-0, në kuadër të javës së fundit të fazës së grupeve të Ligës së Kampionëve. Por ky rezultat nuk është aspak suprizues për trajnerin e madrilienëve, Rafael Benitez dhe mbrojtësin Alvaro Arbeloa. Një rezultat të tillë e kishin arritur edhe gjatë aventurës së tyre tek gjiganti anglez, Liverpool.
Një “dejavu” nga sezoni 2007/08, ku dy protagonistët kishin triumfuar në sfidën që Liverpool e kishte zhvilluar në Anfield përballë Beshiktashit dhe për disa vite qëndroi ky rekord në analet e Ligës së Kampioneve.
Pas disa sezoneve, por tani në një “ombrellë” tjetër, Rafael Benitez dhe Alvaro Arbeloa përsërisin historinë. /tesheshi.com/
