Chad Groeschen nga Cincinnati në Ohio, ra të flinte pa hequr lenten e kontaktit nga sytë dhe prej kësaj shkujdesje humbi shikimin në njërin sy. Siç raporton Huffington Post, pak ditë më vonë në njërin sy ai nisi të lotonte pa reshtur, duke bërë që t’i drejtohet mjekut.
Sipas mjekut nuk ishte asgjë e rëndë, por një ditë më vonë Chad u zgjua me dhimbje të shumta dhe nuk arrinte të shikonte gjë. Pas një vizite të specializuar, ai zbuloi se syri i tij ishte prekur nga bakteri Pseudomonas aeruginosa.
Bakteri ishte zhvilluar në lente dhe ishte ngjitur më tej në sy. Tashmë për Chad nuk ka më asnjë shpresë dhe vetëm transplanti i kornesë mund t’i rikthejë shikimin.
Mjekët thonë se rastet e infeksioneve bakteriale si pasojë e përdorimit të lenteve të kontaktit janë të shpeshta, por pjesa më e madhe e tyre kurohen në kohë. Rasti i Chad është i rrallë, por gjithsesi çdo infeksion prej lentes mund të degjenerojë në patologji./tesheshi.com/
