Goditja e fëmijës mund të dëmtojë shëndetin mendor të tij. Është ky pretendimi i psikiatrit Ronald Pies, i SUNY Upstate Medical University, i cili ndërhyri në debatin e nisur nga senatori i Texas, Ted Cruz.
Politikani, kandidat i republikanëve deklaroi se “goditja” është një mënyrë disiplinimi për fëmijët. “E qëlloj kur thotë ndonjë gënjeshtër”, tha Cruz duke ju referuar të bijës 5- vjeçare.
Goditjet ndaj fëmijëve kanë ngjallur shpesh debate në SHBA, madje në qershor të vitit 2015 Gjykata e Massachusetts u mohoi të drejtën e prindërimit një çifti, i cili përdorte si ndëshkim ndaj fëmijëve, goditjet në trup.
Michelle Knox, profesoreshë e psikiatrisë në Universitetin e Toledo, Ohio, shpjegon se nuk mund të qëllohen të miturit, pasi mund të konsiderohet si një formë ngacmimi, që lë pasoja tek ai. /tesheshi.com/
