Kot nuk thonë se do marrësh për aq sa paguan. E për fat të keq, këtë e ka pësuar në kurriz një i ri nga Filipinet. Me shpresë se do të arrinte të siguronte një karrierë si model, i riu iu nënshtrua një ndërhyrjeje kururgjikale plastike për të cilën kishte paguar vetëm 500 pesos (më pak se 10 dollarë), por ka mbetur krejtësisht i shpërfytyruar.
Ellowe Alviso arrinte të fitonte pak para duke bërë herë pas here ndonjë punë si model që kur ishte 16 vjeçç. Por tre vjet më parë, me shpresën se do të bëntë një hap të madh cilësor e do të arrinte të bëhej model profesionist, ai iu nënshtrua një ndërhyrjeje për të përmirësuar pamjen e tij.
Por, ai donte edhe të kursente. Kështu, në vend që t’i drejtohej një klinike profesionale, ai hyri në kontakt me një infermiere transeksuale, e cila i kishte thënë se ishte eksperte në kurirgjinë estetike, e që nuk kërkonte më shumë se 500 pesos për një operacion në hundë dhe në mjekër.
Pas operacionit, çdo gjë dukej në rregull. Punët si model i vinin njëra pas tjetrës. Por vetëm një vit më pas, diçka filloi të mos ishte në rregull. Fytyra filloi t’i fryhej. Pasi shkoi të kontrollohej në spital, doktorët zbuluan se substanca që i ishte injektuar në fytyrë ishte një përzierje qiriu, parafinë dhe silikoni.
Ndërkohë, ajo ishte bërë e ngurtë dhe ia kishte deformuar fytyrën Alvisos. Por më e keqja, kjo po i shkaktonte atij infeksion në fytyrë, e për këtë arsye, mjekëve iu desh të ndërhynin për të hequr. Në fund fare, fytyra e të riut përfundoi krejtësisht e deformuar. Eshtë pak t’i thuash budalla! /tesheshi.com/
