Beogradi sulmon Bashkimin Europian pas qëndrimit të prerë të Brukselit në lidhje me “Zajednicën”.
BE ka ndryshuar pozicionin primar ndaj “Zajednicës” duke ulur kompetencat e të ashtuquajturit Asocacion i Komunave Serbe në Kosovë. Ky grupim nuk do të ketë asnjë kompetencë ekzekutive dhe kjo siç duket ka qenë shaku i shpërthimit të konfliktit mes Beogradit dhe BE-së.
Siç bën të ditur B92, ka qenë kreu i zyrës për Kosovën në qeverinë serbe, Marko Gjuriq, i cili akuzoi Federica Mogherinin se po mban anën e Prishtinës.
Federica Mogherini, deklaroi në Kuvendin e Kosovës se “Zajednica” siç quhet Asocacioni i Komunave Serbe, është një strukturë paralele.
Mogherinit i është përgjigjur Marko Gjuriq, i cili në televizionin Pink TV tha se “Asocacioni i Komunave është një strukturë legjitime, pjesë e marrëveshjes Prishtinë-Beograd me ndërmjetësimin e Bashkimit Europian. Askush nuk e ka tërhequr marrëveshjen e 25 gushtit 2015. Asocacioni nuk do të jetë një strukturë paralele e autoriteteve të Kosovës dhe nuk preket integriteti territorial i Kosovës në këtë rast”, theksoi ministri serb, i cili shkoi edhe më tej në kërcënimin ndaj Brukselit.
“Ne e respektojmë shumë rolin e BE-së, por nuk do të pranojmë Mogherinin apo këdo që të marrin vendime dykuptimëshe në Bruksel”.
Ndërkaq, me një shkresë zyrtare Beogradi i ka kërkuar Brukselit që të prononcohet në mënyrë të qartë për marrëveshjen e ndërmjetësuar nga vetë ajo kur kryeministër i Serbisë ishte Ivica Daçiç dhe i Kosovës, Hashim Thaçi.
“Serbia nuk do të dorëzojë Asocacionin e Komunave që të formohet siç është rënë dakord dhe jo ndryshe. Beogradit nuk i intereson vendimi i Gjykatës Kushtetuese të Kosovës dhe as mendimi i opozitës Kosovare”.
Por siç duket, nga reagimi i ashpër i Serbisë, situata pritet të ndryshojë dhe “Zajednica” nuk do të ketë rolin që ishte paraparë në fillim. Ngjarje që kanë ndodhur në Kosovë kur opozita por edhe reagimi qytetar ka qenë i madh, siç duket kanë ndikuar që të mos i bëhet konçension tjetër për Beiogradit.
Ndërkaq, siç mësohet kjo ka ndodhur edhe për arsye të forcimit të pozicionit filo-rus në Serbi në zgjedhjet e fundit, ndaj Bashkimi Europian do të përdorë presionin ndaj Aleksandër Vuçiçit që të mbajë angazhimet e marra.
Edhe dy vendimet positive për Prishtinën siç ishte pranimi në UEFA dhe liberalizimi i vizave, siç duket ishin lëvizje në këtë drejtim.
Duhet thënë se gjithçka mori rrjedhë më të qetë pas zgjedhjes së Presidentit të Kosovës, e cila ishte ngjarja më e rëndësishme dhe lakmuesi për të parë se kush vërtetë kontrollon politikën në vend. /tesheshi.com/
