Deputeti Ben Blushi, e ka cilësuar takimin e pritshëm të ambasadorëve të BE-së dhe SHBA-së me grupet parlamentare të PS-së, PD-së dhe LSI-së, si heqje të sovranitetitt ë Parlamentit.
“Ambasadorët e SHBA dhe BE kanë vendosur të mbledhin grupet tona parlamentare, pra po mbledhin një seancë jashtë Kuvendit. Në këtë mënyrë Shqipëria po bëhet qesharake dhe ky Parlament ka humbur sovranitetin”, tha Ben Blushi në fjalën e mbajtur në seancën e sotme të Kuvendit.
Deputeti i larguar tashmë nga PS-ja thekson se po i afrohet koha asgjësimit të kësaj klase politike.
“Çmimi është tallja me ne, përçmimi i këtij Parlamenti, kësaj klase politike dhe në fund shfarrosja si specie e kësaj klase politike. Jemi shumë afër shfarosjes, proces që shqiptarët për 25 vjet nuk e bënë dot me votë dhe Shqipëria ndoshta do të jetë më mirë kur ne të ikim”, tha Blushi.
Përfundimisht deputeti rival i Edi Ramës e ka përkrahur reformën në drejtësi, madje foli për një shpresë.
“Mund t’u japë shpresë njerëzve se me mbështetjen e ndërkombëtarëve pronat e tyre nuk do të vidhen, deti nuk do të falet, stadiumi me majucë nuk do të ndërtohet më.
Por kjo situatë tregon troç se ne nuk duam të bëjmë drejtësi, por po detyrohemi të bëjmë reformën në drejtësi.
Sot 3 grupet tona parlamentare duhet të skuqen dhe unë nuk do të doja të isha pjesë e asnjë prej tyre. Koha e sadistëve dhe esadistëve ka përfunduar”, përfundoi Blushi.
/tesheshi.com/
