Deputeti socialist Ben Blushi, ka lënë një çast përplasjen me kryeministrin Edi Rama dhe ka mbajtur një fjalim në Kuvend për çështjen e emigrantëve që pritet të vijnë edhe në vendin tonë.
“Nuk mund t’iu mbyllim dyert emigrantëve. Për shkak se kemi emigruar vetë, nuk mund të jemi diskriminues por të jemi një vend solidar pa u kthyer në depozitë refugjatësh”.
Reagimi i tij ka ardhur pasi kryeministri Edi Rama njoftoi pak kohë më parë se Shqipëria nuk do t’i hapë kufijtë.
Pas tij kanë folur ministri i Brendshëm, Saimir Tahiri dhe ai i Jashtëm, Ditmir Bushati.
“Sot që flasim, institucionet në tërësi janë të rreshtuara me urdhër të kryeministrit dhe një grup institucional pune që mblidhet çdo javë për të koordinuar masat dhe për të adresuar çështjet në rast se kjo vjen. Një zgjidhje e qëndrueshme nuk vjen kurrë nga vullneti unilateral të çdo vendi”, tha ministriTahiri.
Ndërsa kolegu i tij, Ditmir Bushati tha se Shqipëria është mes 12 vendeve që mund të preken potencialisht nga kriza e refugjatëve të cilat në rang kryeministrash bëjnë konferenca në distancë për koordinim masash dhe shkëmbime informacioni. /tesheshi.com/
