Deputeti socialist Ben Blushi ka reaguar sërish pas qëndrimit të selisë rozë për Kongresin e PS-së. Në një deklaratë për mediat, Blushi tha se duhet të ketë garë për kreun e PS-së dhe akuzoi Ramën se po mban peng demokracinë e brendshme në PS.
“Mandat i grabitur”, e ka cilësuar Blushi, rikonfirmimine pritshëm të Edi Ramës në krye të PS-së. Në një deklaratë për mediat, Blushi tha se po shkelet hapur parimi i demokracisë në PS.
“Ky është një mandat i grabitur që nuk mund të pajtohem. Si ka mundësi që ne të besojme se ne mund të zbatojmë ligjin dhe Kushtetutën nëse nuk zbatojmë ligjin e partisë. Është hapur një fushatë gjoja për të hapur PS-në. Po si mund të vijë një djalë i ri 18 vjeç në PS, kur ai nuk zgjidhet”, tha Blushi.
Deputeti soiclaist, deklaroi pak ditë më parë se do të hyjë në garë për postin e kryetarit të PS-së, por menjëherë pas këtij moment, deputetë të PS-së si Taulant Balla, Saimir Tahiri apo edhe zëvëndëskryeministri Niko Peleshi, sqaruan se në kongresin e marsit nuk do të ketë garë, por vetëm rikonfirmim të kryetarit Rama.
Ata argumentuan se ky evndim vjen si rrjedhojë e statutit pasi kur partia është në pushtet, kryetari rikonfirmohet në krye të partisë.
/tesheshi.com/
