Babai pret të zgjidhet president i Liberisë, ndërsa i biri shënon 3 gola për Amerikën.
Janë ditë intensive për familjen Ueah, ndaj dhe historia e veçantë ka grishur vëmendjen e të gjithëve, për nga specifika e saj.
Xhorxh Ueah, ish-sulmuesi i famshëm i Milanit dhe fitues i Topit të Artë, tashmë është duke pritur balotazhin, për të parë nëse ia ka dalë për t’u bërë president i vendit të tij.
Nga ana tjetër, djali i tij 17-vjecar, Timothy, nuk ka pritur më shumë sesa shansi i dhënë, për t’i treguar botës se do të ketë një tjetër sulmues Ueah.
Timothy Ueah ka shënuar 3 gola për Shtetet e Bashkuara të Amerikës në kampionatin Botëror të 17-vjeçarëve.
Kombëtarja amerikane ka fituar 5-0 me Paraguajin dhe sulmuesi që luan me të rinjtë e PSG ka shkëlqyer me tripletë.
A do të kemi një histori të tipit “bëmë baba të të ngjaj”, apo histori të tipit “nxënësi ia kalon mësuesit”, kjo mbetet për t’u parë. E sigurtë është që një tjetër Ueah, po aq i zi, sporti do vazhdojë ta ketë. /tesheshi.com/
