Khalid El Bakraoui, atentatori që hodhi veten në erë në stacionin metropolitan të Maelbeek në Bruksel gjatë verës së vitit 2015 ka kaluar transit nga Italia në Greqi. Njerëzit e antiterrorizmit, siç raporton SkyTg24, kanë njohur lëvizjet e tij: më 23 qershor në orën 08:25 Khalid El Bakraoui ka zbritur në aeroportin e Trevizos, nëpërmjet udhëtimit me Ryanair që vinte nga Brukseli.
Bileta ishte blerë nëpërmjet kartës së kreditit të një burri tjetër, Abderahman Benamor. Në momentin e check-init në Bruksel, El Bakraoui është regjistruar me një dokument identifikimi belg.
Një ditë më pas Khalid regjistrohet në një udhëtim të Voloteas duke u nisur nga aeroporti Marco Polo në Venecia në orën 6 me drejtim Athinën. Natën mes 23 dhe 24 qershorit ai ka prenotuar hotelin “Courtyard by Marriott Venice Airport” në Venecia.
Në fund të korrikut të vitit 2015, Khalid El Bakraoui kaloi transit nga Italia në Greqi, ndërsa pak ditë më vonë, më 1 gusht, Salah Abdeslam është parë në aeroportin e Barit duke u drejtuar për në Patrasso. /tesheshi.com/
