Një djalë 6-vjeçar është në gjendje kritike për jetën në një spital në Bruksel, pasi prindërit e tij e ndëshkuan atë duke e lënë jashtë në ballkon në temperatura të ulëta, i veshur vetëm në pizhama për 15 orë rresht.
Nëna franceze, 31-vjeçare, dhe njerku belg, 21-vjeçar, po përballen me akuza për torturimin djalit të tyre, pasi si masë ndëshkuese e kanë detyruar atë të qëndrojë jashtë në temperatura nën 3 gradë, për motive shumë banale.
Motra e tij binjake u dërgua gjithashtu në spital për trajtim. Të dy fëmijët tregojnë shenja të abuzimit dhe kequshqyerjes, tha zyra e prokurorit të Brukselit.
Djali ishte pa ndjenja dhe vuante nga hipotermia, kur erdhi stafi i ambulancës, ka thënë ajo.
Edhe nëna edhe njerku po mbahen në paraburgim.
Ballkoni ishte në pjesën e pasme të shtëpisë së banimit, i padukshëm nga rruga, dhe kjo ishte arsyeja pse askush nuk kishte thirrur shërbimet e policisë apo të urgjencës më herët.
Nuk është e qartë nëse ishin fqinjët apo vetë prindërit që e bënë këtë më në fund.
Këta të fundit po përballen me akuza për “torturimin e një të mituri nga dikush që është në një pozitë të autoritetit.”
Emir Kir, kryetari i qarkut të Saint-Josse, tha për radion RTL: “Shumë serioze dhe shumë e trishtuese në këtë rast është fakti se apartamenti i tyre është afër zyrave të autoritetit për mirëqenien e fëmijëve dhe vetëm një rrugë nga stacioni i policisë”. /tesheshi.com/
