PKK-ja, një lëvizje kurde, është e njohur si organizatë terroriste nga Turqia, nga SHBA-të e BE-ja, por kjo nuk i ka penguar mbështetësit e saj të kremtojnë në Bruksel përvjetorin e sulmit të parë mbi shtetin turk.
Përkrahësit e PKK-së do të mblidheshin në sheshin Spanjeplein të Brukselit të dielën për kremtimin e të parit sulm të kësaj organizate terroriste ndaj Turqisë. Autoritetet belge, përkundër përkufizimit si terroriste të kësaj organizate kurde, nuk bënë përpjekjen më të vogël për ta penguar tubimin apo për ta shpërndarë atë.
Në tubim dalloheshin qartë flamuj të PKK-së, si dhe banderola me fotografinë e udhëheqësit të saj, të burgosur prej vitesh në Turqi.
Edhe pse i quajtur i “paautorizuar” nga zyrtarët belgë, tubimi vijoi normalisht. Turqia edhe më herët e ka kritikuar qëndrimin tolerues belg posaçërisht ndaj kësaj organizate.
E formuar në vitin 1978, PKK-ja, Partia e Punëtorëve të Kurdistanit, do të kryente më 15 gusht 1984 të parin sulm në Turqi, një datë që shënon edhe fillimin e sulmeve terroriste të saj në territorin turk. /tesheshi.com/
