Inteligjenca belge ka filluar një hetim pas raporteve që Kina po përdor zyrën e Maltës, e cila është përtej selisë së Komisionit Evropian, për të përgjuar institucionet evropiane në Bruksel.
Një zëdhënës për shërbimin e sigurimit shtetëror belg tha se një hetim ishte nisur pasi francezja Le Monde njoftoi se kishte një dyshim për spiunazh, raporton Guardian.
Hetimi filloi pasi agjentët britanikë njoftuan se kinezët po përdorin ambasadën malteze si një “kullë spiune” për të përgjuar institucionet e Bashkimit Evropian.
Dyshimet kanë të bëjnë me një projekt rinovimi të ndërtesave 13 katëshe përpara hapjes së misionit të përhershëm të Maltës në BE, dhe në vitin 2010, dyshimet për spiunazh kinez u kaluan autoriteteve belge.
Pajisjet “përdoren për spiunazh”
Shërbimet sekrete britanike deklarojnë se shërbimet sekrete kineze ishin përfshirë në rinovimin e ambasadës maltese, dhe mobiljet dhe pajisjet e caktuara për ndërtesën u dorëzuan nga Kina në kryeqytetin belg në kuadrin e marrëveshjes së bashkëpunimit prej 300,000 dollarë.
Autoritetet belge raportohet se janë shqetësuar për vite me rradhë se pajisjet po përdoren për spiunazh. Aktivitetet në ambasadën maltese janë duke u hetuar, por deri më tani nuk është zbuluar asnjë provë e spiunazhit kinez.
Akuzat u mohuan gjithashtu nga Ambasada e Maltës, duke thënë se mobiljet ishin dhuruar nga qeveria kineze dhe se ndërtesa ishte e pajisur në përputhje me standardet më të larta të sigurisë.
Një zëdhënës i ambasadës kineze në Belgjikë tha se akuzat për spiunazh ishin të rreme. /tesheshi.com/
