Më në fund ka dalë një zë potent nga minoriteti grek në jug të Shqipërisë, më saktë nga Dropulli, që nuk e pranon Belerin si përfaqësues të tyre. Ai është gazetari Panajot Barka, i cili, duke folur në emisionin ‘Të Paekspozuarit” në MCN, tha Beleri nuk është përfaqësues që gëzon përkrahjen e minoritetit etnik grek në Shqipëri dhe përfaqësuesi i ekselent i këtij minoriteti.
“E para e punës, Fredi Beleri, po të nisemi edhe nga votat, nuk është puna që ai është përfaqësuesi i cili gëzon përkrahjen e minoritetit etnik grek në Shqipëri, nuk është përfaqësuesi i ekselent i këtij minoriteti.
Ka një mitizim dhe një manipulim, do të thoja. Domethënë e respektimit ose e përfaqësimit nëpërmjet Belerit të minoritetiut e që unë për veten time ju thashë, cili është qëndrimi dhe mendimi im domethënë, nuk është përfaqësuesi ekselent i këtij minoriteti”, tha Barka.
Sipas tij, Beleri është produkt i manipulimeve në politikën greke, tashmë që ai është zgjedhur dhe eurodeputet.
“Pra, nuk besoj se ishte thjesht një politikë e përgjithshme greke për të investuar ndaj Belerit, por u manipulua, si të thuash, nga struktura të përcaktuara me lidhje personale me Fredi Belerin dhe në emër të të drejtave të minoritetit.
U promovua Beleri në këtë histori, pas investimit të jashtëzakonshëm që është bërë, që ai të fitonte zgjedhjet në Himarë, ashtu siç i fitoi. Ky është pra realiteti sipas qëndrimit dhe mendimit tim.
Investohet, thashë, në emër të të drejtave të minoritetit, gjë që prej mendimit tim nuk është gjë e saktë dhe e vërtetë reale”, arsyetoi gazetari i njohur minoritar. /tesheshi.com/
