Kancelari Olaf Scholz kërkoi heqjen e vetos në vendimmarrjen e Brukselit mbi zgjerimin, duke qenë kjo një mbështetje për Shqipërinë karshi paralajmërimit grek lidhur me çështjen “Beleri”. Siç dihet, Athina ka paralajmëruar se do i bëhet pengesë Tiranës në proces, siç ka thënë, deri sa Beleri, njeriu i saj. të betohet si kryebashkiak i Himarës.
“Nuk ka pse çdo vendim, si çelja apo mbyllja e kapitujve të negociatave, të varet nga çdo vend anëtar. Nëse vende, si për shembull Shqipëria, kanë bërë reforma të rëndësishme, kjo duhet të vlerësohet. Përndryshe, rrezikohet të dëmtohet i gjithë procesi i anëtarësimit dhe këtë nuk duhet ta lejojmë”, tha kancelari gjatë një fjalimi në Bundestag në mes të duartrokitjeve të shumë deputetëve në sallë, raporton DË.
Kjo media gjermane shkruan se “thirrjet e kancelarit socialdemokrat shkonin tërthorazi në adresë të Greqisë, e cila ka kërcënuar se nuk do të lejojë çeljen e kapitullit të parë të negociatave me Shqipërinë, pa u zgjidhur çështja Beleri.
Ndërsa për Greqinë kjo është një çështje që ka të bëjë me shtetin ligjor dhe të drejtat e pakicave, për Gjermaninë është një çështje bilaterale dhe duhet të zgjidhet brenda kuadrit dypalësh, një qëndrim të cilin kancelari gjerman Scholz e theksoi edhe disa javë më parë gjatë vizitës së kryeminstrit grek, Kyriakos Mitsotakis në Berlin”.
Kujtojmë se Greqia e ka përdorur veton për vite e vite me Maqedoninë, derisa e detyroi që vetëquhej e “e Veriut”. Ndërsa po ndaj Maqedonisë, këtë lloj loje po bën tashmë Bullgaria si anëtar i BE-së. /tesheshi.com/
