Viti 2023 do të hyjë në histori si një vit rekord për katastrofat klimatike, duke lënë pas pasoja tragjike në mbarë botën.
Shumë vende janë përballur me ngjarje intensive të motit, duke përfshirë tërmete, zjarre, përmbytje dhe stuhi. Ato dukuri ekstreme klimatike jo vetëm që shkaktuan humbje të pallogaritshme njerëzore, por shkaktuan edhe dëme të mëdha ekonomike, që arrijnë në miliarda dollarë dëme.
Viti i kaluar theksoi urgjencën e nevojës për përpjekje dhe bashkëpunim të mëtejshëm nga të gjitha kombet për të krijuar një të ardhme të qëndrueshme që do të përballojë kërcënimet në rritje të klimës.
Tërmetet
Në vitin 2023, tërmete të forta goditën Turqinë, Sirinë, Marokun dhe Afganistanin.
Tërmetet e 6 shkurtit ishin me magnitudë 7.8 dhe 7.7, të ndjekur nga më shumë se 30,000 pasgoditje më të vogla, duke prekur më shumë se 11 provinca në Turqi dhe 10 provinca në Siri. Në ato tërmete pati 59.259 viktima, ndërsa dëmi u vlerësua në 148.8 miliardë dollarë në Turqi dhe 14.8 miliardë dollarë në Siri.
Më 8 shkurt, Maroku u godit nga një tërmet me magnitudë 6.8 dhe 6.9 ballë me 12 miliardë dollarë dëme dhe 3000 viktima.
Një tërmet me magnitudë 6.9 goditi Afganistanin midis 7 dhe 11 tetorit, duke vrarë më shumë se 1500 njerëz dhe duke shkaktuar dëme të vlerësuara në 100 milionë dollarë.
Zjarret
Në korrik, Greqia u godit nga një zjarr i madh me një sipërfaqe prej 2225 kilometrash katrorë, sa Tokio, dhe shkaktoi dëme prej 1.7 miliardë dollarësh. Në ato zjarre pati më shumë se 28 viktima.
Në periudhën midis marsit dhe tetorit, pesë për qind e sipërfaqes totale pyjore të Kanadasë u përfshi nga zjarri, i cili shkaktoi dëme prej 770 milionë dollarësh dhe 6 viktima.
Stuhitë
Në gusht, stuhi të mëdha goditën Shtetet e Bashkuara dhe Hawaii, duke shkaktuar gjithsej dhjetë miliardë dollarë dëme. Në Hawaii, më shumë se 2200 ndërtesa u shkatërruan dhe mbi 100 viktima.
Përmbytjet
Në periudhën ndërmjet 10 dhe 11 shtatorit, Libia u godit nga një përmbytje e madhe në të cilën pati më shumë se 5300 viktima. Ende nuk dihet numri i të vdekurve dhe besohet se shumë trupa janë nxjerrë nga deti. Dëmi është vlerësuar në 446.4 milionë dollarë, shkruan TRT Balkan. /tesheshi.com/
