Një panik ka shpërthyer në Francë për shkak të pushtimit masiv të insekteve në kinema, shkolla, vagona treni, hotele dhe teatro, ndërsa komuniteti ndërkombëtar nga SHBA në Kinë është i shqetësuar për situatën shëndetësore të vendit përpara Lojërave Olimpike në korrik 2024. Mediat e huaja me tituj të trashë përshkruajnë situatën që mbizotëron javët e fundit në “Qytetin e Dritës” por edhe në qytete të tjera franceze, për shkak të pranisë intensive të insekteve “gjakthithëse”.
Nën titullin “Alert in Paris” faqja e përditshme spanjolle El Pais shkruan se çimkat, insektet me ngjyrë kafe, kanë qenë “protagonistët” në Francë në javët e fundit ndërsa në më pak se 10 muaj Lojërat Olimpike do të zhvillohen në tokën franceze. Nga ana e saj, The New York Times me titullin ironik “Qyteti i dritës apo qyteti i thumbimeve?”, shkruan se Franca po përpiqet të qetësojë shqetësimet për pushtimin e çimkave, situatë kjo që ka bërë presion mbi qeverinë franceze, pasi në më pak se një vit Parisi pritet të vizitohet nga miliona turistë për Olimpiadën e 2024-ës.
Skin-crawling videos show bed bugs crawling over seats on trains and buses in Paris as France battles an 'invasion' of the insects.
🔴 Read more: https://t.co/lZZkEOYB99 pic.twitter.com/los7wwzdcC
— Daily Mail Online (@MailOnline) October 2, 2023
Edhe komediani amerikan Jimmy Fallon të martën e kaluar në transmetimin e emisionit të tij televiziv “The Tonight Show” u shfaq me një beretë franceze në kokë duke mbajtur një baguette franceze dhe një gotë verë të kuqe, duke lënë këmishën e tij të bardhë të hapur në gjoks, imituar me theks francez Emmanuel Macron duke kënduar në anglisht se çimkat mund të fshihen kudo, në çarçafë dhe dyshekë dhe duke i këshilluar shikuesit të mos rezervojnë akomodimin në Airbnb në Francë.
British Daily Mail është e shqetësuar për pushtimin e çimkeve edhe në MB pasi shumë britanikë vizituan së fundmi Parisin për të marrë pjesë në Javën e Modës (Java e Modës në Paris). “Videot e tmerrshme tregojnë çimkat që zvarriten në ndenjëset e trenit dhe autobusit në Paris, ndërsa Franca përballet me ‘pushtimin’ e këtyre insekteve”, raporton uebfaqja britanike.
Në të njëjtën gjatësi vale, rrjeti amerikan NBC transmeton se çimkat kanë pushtuar autobusët, trenat, teatrot dhe hotelet dhe duke qenë se Parisi është një qytet popullor me miliona vizitorë, çimkat mund të “udhëtojnë” në vendet e këtyre vizitorëve. Titulli shoqërohet me një foto në të cilën një çimkë gjigante del nga ujërat e Senës me Kullën Eifel në sfond.
A bed bug infestation is sweeping through Paris, with reports of the blood-sucking pests on buses and trains and inside movie theaters and hotels.
As millions visit the popular city, the bed bugs could potentially travel home with visitors.@meagannbc shares more. pic.twitter.com/IxEd5ihdeF
— NBC Nightly News with Lester Holt (@NBCNightlyNews) October 6, 2023
Pushtimi i insekteve në Francë nuk ka kaluar pa u vënë re edhe në Kinën e largët me uebsajtin kinez në gjuhën angleze South China Morning Post duke theksuar se “Parisi po lufton kundër pushtimit të insekteve ndërsa Franca përgatitet për Olimpiadën 2024”. Kjo faqe thotë se çimkat janë insekte të vogla pa krahë që ushqehen me gjakun e njerëzve dhe kafshëve dhe janë shumë rezistente ndaj insekticideve. Në të njëjtin artikull, theksohet se insektet janë zbuluar në kinema dhe trena në Paris dhe gjithashtu në aeroportin “Charles de Gaulle”, pasi ato mund të udhëtojnë lehtësisht pa rroba apo bagazhe.
Ministri francez i Arsimit njoftoi mbylljen e shtatë objekteve shkollore
Shtatë shkolla në Francë u mbyllën për dezinfektim pasi u gjetën çimka, njoftoi ministri francez i Arsimit Gabriel Attal të premten mbrëma. Attal tha për rrjetin televiziv France 5 se “çimkat u zbuluan, mendoj, në 17 shkolla dhe për momentin shtatë prej tyre janë mbyllur për këtë arsye”. Këto shkolla përfshijnë Lycée Elisa Lemonnier në rrethin e 12-të të Parisit.
Në këtë shkollë të mesme të mërkurën një nxënës është ankuar për pickimin e një insekti gjatë orës së mësimit. Të nesërmen në mëngjes dhe me ndihmën e një qeni zbulues të stërvitur, u konfirmua prania e insekteve në dhomat e shkollës. Sipas Agence France-Presse (AFP) mësuesit e shkollave të mesme kanë vendosur të përdorin “të drejtën për t’u tërhequr nga puna e tyre” (Droit de retrait), një e drejtë e parashikuar nga Ligji i Punës në Francë, kur i vendosin kushtet e punës në rrezik të rëndë për jetën ose shëndetin.
Entendu sur @CNN : « French officials say that bed bugs have infested Paris transport network and the wider city »
Soit ils ont une info qu’on n’a pas, soit ils contribuent à la psychose générale en racontent tranquillou des grosses fake news 👍 pic.twitter.com/JiyxnDVzNu
— Helene Bekmezian (@Bekouz) October 5, 2023
Në një tjetër qasje, thuhet se kjo bela e gjeti Francën fill pas vendimit për ndalimin e mbulesës muslimane në shkolla. Kjo, nga fakti se autoritetet shëndetësore në vend këshillojnë njerëzit që të kenë sa më pak pjesë të ekspozuara të trupit. Pra ndryshe, të mbulohen! /tesheshi.com/
