Bekim Jashari, djali i heroit Hamzë Jashari, e ka cilësuar vendimin për të kandiduar për kryetar të Skenderajt si një ndër më të vështirët.
Në një postim në rrjetin social, Bekimi thotë se do të mundohet të jetë po ai që ka qenë, si djalë i Hamzë Jasharit dhe anëtar i familjes Jashari.
“Këto ditë që lamë pas ishin më të vështirat për mua dhe familjen time, ndoshta që nga pas lufta e deri më sot.
Por duke i parë zhvillimet e këtyre ditëve, e posaçërisht kërkesën e qytetarëve që unë të dal për të parin e komunës tonë, morra guximin dhe vendosa që të dalë si kandidat i pavarur për kryetar të qytetit tonë.
Ky vendim nuk ishte i lehtë, përkundrazi ka qenë një nga më të vështirit deri më sot.
Prandaj unë kërkoj nga të gjithë ju qytetarë të Skenderajt dhe i gjithë kombi ynë shqiptar kudo që ata janë sot të më kuptojnë drejt për vendimin e marrë.
Unë do mundohem të jem po ai Bekimi që ju e njiheni si djali i Hamëz Jasharit dhe anëtar i familjes Jashari.
Të dashur qytetarë të Skenderajt, pa dashur të hyjë më thellë se si do të përfundojnë zgjedhjet e 22 tetorit, prapë do jem siç kam qenë në shërbim të vendit tim.
Dhe në fund më lejoni që të përshëndes vendimin e Partisë Demokratike për mos vënien e kandidatit për kryetar në komunën tonë”, shkruan ai në rrjetet sociale. /tesheshi.com/
