Bekim Balaj e ka nisur me këmbën e parë kampionatin rus, ku është bërë protagonist, duke dhënë pasimin final në golin e shënuar nga skuadra e tij Akhmat Grozni, siç është emri i ri i Terekut.
Sulmuesi ka qenë i vetmi shqiptar që është aktivizuar në përballjen me Amkar, pasi dy miqtë e tij Roshi dhe Berisha, e ndoqën ndeshjen nga stoli. Por çelja e kampionatit për skuadrën çeçene, është bërë nga një personazh i pazakontë e që ka shkaktuar shumë ovacione.
Braziliani Ronaldinjo, ka shqelmuar topin e parë të ndeshjes, duke i dhënë udhë fillimit të ambicjeve të skuadrës Akham Grozni.
Legjenda braziliane është parë të bëjë tifozllëk “agresiv” në shkallët e stadiumit, duke nxitur lojtarët e skuadrës çeçene. Në fakt siç është bërë e ditur para nisjes së kampionatit, skuadra Akhmat Grozni synon kupat e Europës këtë sezon. /tesheshi.com/
