Një spektakël i vërtetë në qiell do të shfaqet nesër para agimit, më saktësisht në 5:32. Eshtë një hënë e plotë, ose Supermena rozë, siç e quajnë astronomët, e cila do të jetë 14 për qind më e madhe dhe 30 për qind më e ndritshme se ato që jemi mësuar, sepse do të jetë më afër Tokës.
Hëna e plotë në qiell do të shfaqet rreth njëzet minuta para lindjes së diellit, shkruan NASA Science. Por ju nuk duhet të ngriheni nga shtrati kaq herët, sepse do të keni një shans për ta parë atë edhe në mbrëmje, me kusht që qielli të mos jetë i mbuluar me re të dendura. Dielli lind në 5:53 të mëngjesit në 27 prill dhe perëndon në 7:53 pasdite.
Ai mori emrin rozë, jo sepse do të shkëlqejë vërtet me një ngjyrë të tillë, por ky fenomen shoqërohet me lulëzimin e myshkut rozë në SHBA dhe Kanada, e cila zakonisht përkon me ardhjen e hënës së plotë e cila është pak më afër Tokës në këtë periudhë të vitit, kësisoj më e madhe dhe më e ndritshme.
Hëna në të vërtetë do të ketë një nuancë të artë që do të zbehet me të zbardhur. Kur Hëna është më afër Tokës se zakonisht, atëherë ajo quhet edhe Supermëna. /tesheshi.com/
