Behgjet Pacolli, kryetari i Aleancës Kosova e Re, ka përgënjeshtruar arritjen e koalicionit me PAN për krijimin e institucioneve të reja.
Reagimi i Pacollit erdhi pasi televizioni public RTK raportoi arritjen e marrëveshjes mes PAN dhe AKR-së.
Pacolli deklaroi për mediat se nuk ka qenë në Kosovë këto ditë, e lëre më të ketë pasur takime me PAN-in.
“Nuk ka marrëveshje, unë tani sapo u riktheva nga Zvicra”, u shprehPacolli.
Madje zyrtarë të AKR kanë përgënjeshtruar edhe zërat apo deklaratat e PAN se brenda javës do të krijojnë institucionet e reja, duke u mbështetur te përkrahja e partisë së drejtuar nga Pacolli.
I kontaktuar nga media, zyrtari i AKR-së, Rrahim Pacolli ka bërë të ditur se nuk ka pasur asnjë një takim me PAN-in as do të ketë një marrëveshje të tillë në ditët në vazhdim. /tesheshi.com/
