Së fundi, në rrjetet sociale është publikuar një kopje e pabesueshme e monumentit nga Potoçari për gjenocidin e kryer në Srebrenicë, por këtë herë si dedikim ndaj viktimave serbe në Kroaci.
Bëhet fjalë për një mbishkrim në një pllakë përkujtimore në fshatin Paulin Dvor në afërsi të Osijekut, ku u krye një masakër ndaj banorëve të nacionalitetit serb gjatë luftës, transmeton portali ZaSrbrenicu.
“Me emrin e Zotit, të Gjithmëshirshmit, Mëshiruesit. Le të kthehet pikëllimi në shpresë. Le të kthehet hakmarrja në drejtësi. Le të kthehet loti i nënës në lutje: që Srebrenica të mos përsëritet kurrë më“, është kjo lutja e cila është gdhendur te monumentit i Potoçarit në Srebrenicë, aty ku gjendet viktimat genocidit serb kundër boshnjakëve muslimanë.
Por ja që i njëjti mbishkrim gjendet dhe në monumentin e viktimave serbe në Paulin Dvor, me një ndryshim të vogël, ku fjala Paulin Dvor është vendosur në vend të fjalës Srebrenica.
Krimi në Paulin Dvor lidhet me një ngjarje kur ushtarët kroatë vranë 19 vetë, duke përfshirë tetë gra, në dhjetor të vitit 1991. /tesheshi.com/
