Presidenti amerikan Donald Trump tha se ai kurrë nuk kishte pirë qoftë dhe një birrë në jetën e tij dhe se do të kishte dështuar nëse do jepej pas alkoolit.
Trump foli në një konferencë për shtyp rreth zakoneve të tij të lidhura me pijet alkoolike, duke komentuar mbi një deklaratë të kandidatit për gjyqtar të Gjykatës Supreme të SHBA, Brett Kavanaugh mbi birrën që ai konsumonte në shkollën e mesme dhe në kolegj.
“Unë mund të them sinqerisht se kurrë nuk kam pirë një birrë në jetën time”, tha Trump.
“Është një nga të rrallat zakone të mia të mira. A mund të imagjinoni se çfarë do të ishte e kundërta prej meje? Unë do të isha një e keqe e madhe e kësaj bote”, tha kreu i Shtëpisë së Bardhë.
Vëllai më i madh i Trump, Fred Junior, ishte një alkoolik dhe presidenti amerikan e përshkroi atë si një djalë me shumë probleme, prej të cilit kishte mësuar se pse nuk duhej të konsumonte alkool. /tesheshi.com/
