Ka reaguar dhe më e anatemuara për Asocacionin, pikërisht qeveria e Kosovës, afro më shumë se një orë nga vendimi i Gjykatës Kushtetuese të Kosovës që e shpalli të ashtëquajtrën prej opozitës, “Zajednicë”, si të papërputhshme me Kushtetutën.
Në një deklaratë thuhet se “qeveria e mirëpret dhe e përshëndet vendimin e Gjykatës Kushtetuese lidhur përputhshmërinë e parimeve të Asociacionit të Komunave me shumicë serbe me frymën e Kushtetutës së Republikës së Kosovës.”
“Qeveria e Republikës së Kosovës zotohet se do ta zbatojë me përpikëri vendimin e Gjykatës Kushtetuese në fazat që ndërlidhen me hartimin e Statutit dhe të Dekretit të Asociacionit”, thuhet më tej në deklaratë.
Por ajo që të ngrohë në këtë rast, janë dy terma të përdorur, “e mirëpret” dhe “e përshëndet”, sikur don të thotë se Asocacionin e ka firmosur nga zori, por që është Gjykata Kushtetuese që po e nxjerr nga ky batak politik.
Më tej në deklaratë thuhet se “qeveria fton gjithë spektrin politik, përfshirë partitë opozitare, që të respektojnë këtë vendim, i cili është në përputhje edhe me vetë Marrëveshjen e Parimeve, në të cilën ishte paraparë tekstualisht që e njëjta të shqyrtohej nga ana e Gjykatës Kushtetuese të Republikës së Kosovës”.
Por këtu të bën përshtypje ftesa drejtuar dhe partive opozitare për ta respektuar vendimin e gjykatës, një diversion politik naiv, për ta shpërndarë përgjegjësinë tek i gjithë spektri politik. /tesheshi.com/
