Duket sikur renditja e popujve më higjenike në Europë, ka qenë dhe një “hakmarrje” boshnjake ndaj asaj çfarë ndodhi në Srebrenicë 20 viten më parë kur paqeruajtësit hollandezë “u dhanë viston” serbëve që t’i masakronin nën hundën e tyre 8 mijë meshkuj boshnjakë.
Një listë pastërtie e vendeve të Europës është hartuar nga një studim në lidhje me zakonin e larjes së duarve, ku të parët janë renditur boshnjakët, ndërsa të fundit hollandezët.
Këtë e bën të ditur gazeta e njohur britanike The Independent.
Holandezët janë në vendin e fundit në lidhje me dëshirën e tyre për të larë duart me sapun dhe ujë pasi përdorin tualetin, thekson sondazhi i kryer nga Gallup International.
Që më shqip do të thotë se dalin nga banjë pa i larë duart pasi kryejnë nevojat.
Vetëm gjysma e personave të pyetur në studim thanë që e kanë zakon të lajnë automatikisht duart pasi mbarojnë punë në banjo.
Ndërkohë, në vendin e parë të listës së higjenës figurojnë boshnjakët me 95%.
Vendet e tjera që evitojnë një pastrim të mirë e të plotë janë: Italia, ku vetëm 57 për qind e të pyeturve thonë se i lajnë duart gjithmonë, ku më pas vijnë Spanja dhe Franca me vetëm 60 për qind.
Ndërkaq, 75 përqind të britanikëve thonë se kanë ngulitur si edukatë larjen e duarve me ujë të bollshëm dhe sapun, por ja që Mbretëria e Bashkuar nuk është në krye të vendeve më të pastra.
Në renditje, pas Bosnjës dhe Herzegovinës është Moldavia, ku 94 për qind e njerëzve i lajnë rregullisht duart, e ndjekur nga Portugalia me 85 për qind.
Megjithatë, saktësia e rezultateve është e debatueshme, pasi në një studim të vitit 2011, 95% të britanikëve theksonin se i lajnë rregullisht duart, pra gati një e dhjeta më shumë.
Larja e duarve, gjithsesi, mund të jetë diçka e mirë për edukatën, por më mirë i bën shëndetit.
Shkencëtarët e Universitetit të Miçiganit në Ann Arbor zbuluan se larja e duart mund t’ju heqë edhe ndjenjën e fajit pas çdo vendimi të vështirë. Si akti i Ponc Pilatit për shembull që është dhe metafora klasikee këtij veprimi në historinë e njerëzimit.
Dr. Spike Lee, një kërkues shkencor i këtij universiteti thotë: “Larja e duarve përveçse një pastrim fizik kontibuon edhe në një pastrim moral, kryesisht pas veprimeve apo vendimeve që keni marrë në të kaluarën, duke shmangur një implikim moral në të ardhmen”.
Marrë nga: independent.co.uk
Përgatiti: Ylli Pata – /tesheshi.com/.
