Kryetari i Kongresit Maqedonas, Todor Petrov, ka befesuar opinionin vendas kur ka deklaruar se do marrë një inisiativë për të ngritur shtatoren e Fan Nolit në mes komunës së Butelit dhe Çairit.
Dhe kjo sipas tij do bëhet me qëllim që shqiptarët e Maqedonisë ta kuptojnë se kryqet, apo kryqi i Butelit, nuk është kundër tyre.
Siç dihet, Fan Noli njihet si ish-kreu i Kishës Autoqefale shqiptare, pikërisht njeriu që bëri të mundur shkëputjen e Kishës Ortodokse nga varësia e Patriarkanës së Stambollit për t’i dhënë asaj një theks tërësisht kombëtar, posaçërisht shqiptar. Dhe për këtë, Noli mbahet jo vetëm si një prift i madh ortodoks, por dhe si një shqiptar i madh.
Dhe pritet të shihet ditëve në vijim sesa serioz do jetë Petrov ne këtë premtim të dhënë.
Më herët, ai tërhoqi kërkesën e tij për t’i paditur personat qe e sulmuan fizikisht, pak pas përfundimit të ceremonisë së vendosjes së gurthemelit të kryqit në Butel. /tesheshi.com/
