Koreja e Veriut, e cila pretendon se nuk ka pasur raste të regjistruara të koronavirusit që nga fillimi i pandemisë, ka kërkuar vaksina kundër COVID-19 përmes Aleancës Globale të Vaksinave (GAVI).
Sipas Wall Street Journal, Koreja e Veriut nuk ka konfirmuar ndonjë rast të infeksionit, por i ka kërkuar GAVI-i, e cila ndihmon vendet në tranzicion për të patur akses në vaksinë, që të marrë një vaksinë.
GAVI nuk dha komente për këtë çështje.
Megjithëse mijëra raste janë testuar deri më tani, Pyongyang nuk ka konfirmuar ndonjë rast infeksioni.
Por South China Morning Post raportoi në mars se rreth 200 ushtarë të Koresë së Veriut kishin vdekur nga sëmundja ngjitëse COVID-19 dhe se disa mijëra njerëz ishin në karantinë.
Në fund të janarit të vitit të kaluar, pas shpërthimit të pandemisë, Koreja e Veriut mbylli plotësisht kufijtë e saj dhe ndaloi udhëtimet ndërkombëtare.
Dorëzimet e para të vaksinave që do të shpërndahen nga GAVI, në varësi të procesit ligjor në secilin vend, duhet të fillojnë në tremujorin e parë të 2021. /tesheshi.com/
