Zgjedhjet e Parlamentit Europian kanë qenë një befasi e me ndjenja të pëziera për shkak të fitoreve që ngrenë dyshime për të ardhmen e BE-së.
Në mesin e vendeve ku eurodashësit siguruan fitoren është edhe Suedia, ku e djathta ekstreme rrezikoi natyrën demokratike të vendit, por megjithatë nuk ia doli.
Risia e këtyre zgjedhjeve është hyrja e një shqiptareje në parlamentin e BE-së. Është fjala për Arba Kokalarin, e cila ka arritur që të futet në parlament, duke u bërë shqiptarja e parë eurodeputete.
“Të moderuarit marrin një mandate të katërt, dhe unë kam hyrë në Parlamentin Europian. Faleminderit të gjithëve”, shkroi Kokalari në rrjetin social Facebook.
Ajo tani përfaqëson Suedinë përmes partisë së saj Moderate, e cila doli e dyta. Partia Moderate, me natyrë konservatore, doli me 17 %, duke siguruar një ulëse edhe për zonjën Kokalari.
Arba Kokalari është mbesa e të ndjerës Musine Kokalari, një ndër ish-gratë më intelektuale shqiptare me dimenson politik, persektuar e shuar në kushte internimi nën regjimin komunist. /tesheshi.com/
