Një grup hulumtuesish britanikë kanë thënë se popullata e tyre do të kishte zgjedhur të qëndronte në Bashkimin Evropian, nëse do të kishin qenë më të arsimuar.
Një studim i ri i publikuar nga akademikët në Universitetin e Leicester, sugjeron se Britania nuk do të kishte votuar të largohej nga BE, nëse vetëm 3 përqind më shumë të votuesve do të kishin vijuar me edukim në universitet.
Studimi vlerësoi arsyet pse disa britanikë votuan për t’u tërhequr nga blloku, dhe zbuluan se niveli i arsimit ishte “faktori predominues” në vendimin e një personi për të votuar. Faktorë tjerë gjithashtu u morën parasysh, megjithatë niveli i arsimit u gjet të jetë më vendimtari.
Hulumtimi zbuloi se mosha dhe gjinia ishin gjithashtu faktorë të konsiderueshëm, ndërkohë që numri i emigrantëve dhe niveli i të ardhurave nuk ndikuan ndjeshëm në zgjedhjen e votuesve në referendumin e Brexit-it.
“Referendumi i BE ngriti debat të rëndësishëm dhe spekulime rreth qëllimit të elektoratit dhe motiveve të tyre në votim”, tha Dr Aihua Zhang, një akademik nga Departamenti i Matematikës në Universitetin e Leicester, raporton The Independent.
“Më 23 qershor 2016, votimi i Britanisë për t’u larguar nga BE erdhi si një surprizë për shumicën e vëzhguesve, me një pjesëmarrje më të madhe të votuesve, 72.2 përqind, që tejkalon të gjitha përqindjet e regjistruara gjatë zgjidhjeve të përgjithshme në Mbretërinë e Bashkuar në dekadën e fundit“, thuhet më tej. /tesheshi.com/
