Në një lëvizje të paprecedentë nga UEFA: 10 mijë tifozë do të mund të marrin pjesë falas në finalen e Ligës së Kampionëve, ai dhe 6000 do e kenë këtë mundësi në Air Albania, në finalen e Ligës së Konferencës, një tjetër event futbollistik europian.
Më saktë, UEFA ka njoftuar se 10 mijë bileta falas do të shpërndahen për tifozët e dy klubeve, të cilët do të luajnë në finalen e Champions League të këtij sezoni.
Çdo klub do të marrë 5000 bileta për ndeshjen në qytetin rus të Shën Petersburgut më 28 maj, të cilat duhet t’u jepen tifozëve besnikë, jo sponsorëve apo zyrtarëve të klubit.
“Tifozët janë gjaku i lojës”, tha presidenti i UEFA-s, Alexander Ceferin, duke shtuar:
“Ne menduam se do të ishte një mënyrë e mirë për të njohur vështirësitë që ata kanë përjetuar në dy vitet e fundit, në të cilat vazhduan të mbështesin ekipet e tyre dhe të shfaqin pasion edhe kur ishin jashtë stadiumit”, tha ai.
8 mijë bileta do të sigurohen për finalen e Ligës së Evropës që po luhet në Budapest, ndërsa 6 mijë do të shpërndahen për finalet e Ligës së Konferencës në Tiranë.
UEFA ka njoftuar se çmimet për katër finalet e majit nuk do të ndikojë në shumën e parave të shpërndara për klubet.
Çmimi i biletave më të lira për finalet e Ligës së Kampionëve do të jetë i njëjtë edhe në tre sezonet e ardhshme, dhe do të variojë nga 70 deri në 180 euro. /tesheshi.com/
