Nëse gjithçka shkon sipas planit, vaksinimi do të fillojë midis 27 dhe 29 dhjetor, sipas Komisionit Evropian.
Shpërndarja e vaksinave te shtetet anëtare duhet të fillojë në 26 dhjetor dhe ende u mbetet strategjive kombëtare sesi dhe kur do të kryejnë vaksinimin.
“Eshtë një përpjekje e koordinuar, jo një marrëveshje që të gjithë duhet të bëjnë vaksinën e parë në të njëjtën kohë. Janë 450 milion banorë dhe 27 vende në BE, ku kushtet dhe termat për vaksinim ndryshojnë”, tha zëdhënësi i KE, Eric Mamer.
“Dita nuk ka rëndësi, është e rëndësishme që ta bëjmë këtë të koordinuar të gjithë së bashku”, thotë Mamer.
KE shton se njoftimi i Presidentes Ursula von der Leyen rreth fillimit të vaksinimit në BE në 27 dhjetor është i kushtëzuar dhe se kjo do të varet nga vlerësimi pozitiv i Agjencisë Evropiane të Barnave dhe më pas leja për të vendosur vaksinën në treg nga KE. /tesheshi.com/
