Bashkimi Europian i ka kërkuar Beogradit që të bëjë të mundur mësimin në gjuhën shqipe të shqiptarëve të Preshevës.
Pas bllokimit të teksteve për disa muaj, ka reaguar zëdhënësja e shefes së diplomacisë së BE-së, Maja Koçijançiç.
“Është shumë e rëndësishme që të gjithë nxënësit të kenë qasje në tekste mësimore cilësore që ata kanë nevojë, si në serbisht ashtu dhe në gjuhën shqipe dhe pakicave tjera…”, theksoi zëdhënësja Koçijançiç duke shtuar se: “Serbia eshte e angazhuar të zbatojë një politikë ndaj pakicave kombëtare, në përputhje me detyrimet e parashikuara në Konventën Kornizë të Këshillit të Evropës për Mbrojtjen e te drejtave të pakicave Kombëtare konfrom Kartës Evropiane për gjuhët rajonale, pra edhe ato ne gjuhen shqipe sikurse dhe gjuheve të tjera të minoriteteve…”
Deklaratën, zyrtarja e Brukselit e ka dhënë për Presheva Jonë. “Legjislacioni mbi arsimin në gjuhët e pakicave duhet të zbatohet në mënyrë konsistente ne gjithë territorin e Serbinë”, ka thëne në fund Koçijançiç./tesheshi.com/
