Komisioni Europian përsëriti të hënën se krerët e Bashkimit Evropian nuk do të rinegociojnë marrëveshjen e Brexit të rënë dakord muajin e kaluar me kryeministrin britanike Theresa May.
“Marrëveshja në tryezë është marrëveshja më e mirë dhe e vetme”, u tha gazetarëve zëdhënësi Margaritis Schinas si përgjigje ndaj një apeli për të komentuar mbi një bisedë telefonike mes May dhe kryetarit të komisionit, Jean-Claude Juncker të premten.
Ai gjithashtu përsëriti se nuk ishin planifikuar bisedime ndërmjet negociatorëve në të dyja anët “për shkak se negociatat janë përfunduar”.
Schinas përsëriti se Juncker dhe May në bisedën mes tyre të premten ishin “miqësorë” dhe se të dy udhëheqësit do të bisedojnë përsëri këtë javë.
Në një samit të liderëve të BE më 14 dhjetor, ajo u kërkoi udhëheqësve të bllokut të modifikonin disa nga dispozitat e saj, por ata këmbëngulën se nuk do të rihapnin marrëveshjen, raporton Reuters. /tesheshi.com/
