Komisioni Evropian ka arritur një marrëveshje me Pfizer dhe BioNTech për shpërndarjen e përshpejtuar të 10 milion dozave të vaksinave në tremujorin e dytë të 2021.
Presidentja e KE Ursula von der Leyen thotë se tremujori i dytë është thelbësor për përshpejtimin e strategjisë së vaksinimit në të gjithë Bashkimin Evropian.
“Me shpërndarjen e përshpejtuar të 10 milion dozave, ne do të rrisim dozat totale të vaksinës Pfizer / BioNTech në tremujorin e dytë në mbi 200 milion. Kjo u jep vendeve anëtare hapësirë për të manovruar dhe ndoshta për të mbushur boshllëqet në dërgesa,” tha Von der Leyen.
Në Bruksel, ata shpjegojnë se këto 10 milion doza vijnë nga gjithsej 100 milion vaksina Pfizer, të cilat janë planifikuar të dorëzohen në gjysmën e dytë të vitit. /tesheshi.com/
